lunes, 2 de julio de 2018

FLORES E MÁIS FLORES

No ambiente de arte estabamos facendo cadros de flores tendo un modelo de referencia.


E como as flores é algo que nos gusta  moito nesta ocasión utilizamos a técnica do collage para seguir facendoas. Mirade que creacións máis bonitas.











Rematamos as entradas do ambiente de arte cun video onde podedes ver como traballamos.



UN BODEGÓN

Dentro das obras de arte están os bodegóns onde se representan obxectos que poden ser naturais (froita, comida, plantas, cunchas...) ou feitos polo home (utensilios de cociña, de mesa ou de casa) nun espacio determinado. Presentouse a proposta da seguinte maneira.

Unha vez presentada puxéronse a facer bodegóns coa técnica do collage.
Dende logo os nenos e nenas son uns verdadeiros artistas, mirade que bodegóns máis bonitos fixeron.

  

miércoles, 27 de junio de 2018

ANIVERSARIOS DE XUÑO

Durante o mes de xuño estiveron de aniversario David, Marco, Xabi e Maya. Moitas felicidades!!!


 Xa tes 5 anos!!!




 Xa tes 5 anos!!!


 Xa tes 5 anos!!!




Xa tes 4 anos!!!

Durante os meses do verán hai compañeiros e compañeiras que estarán de aniversario, moitas felicidades para todos. Cando retomemos as clases celebraremos os seus aniversarios.

lunes, 25 de junio de 2018

AS EIRUGAS

Coa chegada da primavera o ambiente da natureza non parou de ter actividade. Despois das plantas chegaron as eirugas.
Duns pequenos ovos sairon unhas diminutas eirugas.
Eran tan pequenas que para velas era necesario usar a lupa.



As eirugas só comen follas de moreira e grazas a ela de camiño van crecendo.

Os coidados básicos son mantelas limpas, cambiándolles as follas secas e limpándolle as cacas todos os días, e poñer follas frescas de moreira.





Co paso dos días a gran maioria dos ovos eclosionaron e saíronnos moitísimas eirugas.

Seguimos dándolles de comer e van incrementando o seu tamaño. 


Non fan outra cousa que comer, comer e comer.



Temos que estar moi atentos cando están quietas e coa cabeza levantada xa que eso indica que van a mudar de pel para seguir crecendo.

Cando son así de grandes xa as podemos coller con moito coidado xa que son moi delicadas. É algo que ao principio danos algo de reparo pero logo non paramos de collelas.










 Canto máis crecen máis comen ata que chega o momento de elaborar a crisalide. Fixádevos ben no seguinte video e poderedes ver a eiruga dentro do casulo.


Buscan as esquinas da caixa para facelo.





Fomos quitando os casulos para esperar que se produza a metamorfose e saian as bolboretas.
 

Como este ano a primavera foi bastante fría os ovos eclosionaron máis tarde e non nos deu tempo de ver as bolboretas pero como as profes ainda van ao cole cando chegaron hoxe atoparon unha cantas e sacáronlles estas fotos.

Agora poñerán ovos e esperaremos á proxima primavera para ver o seu ciclo vital.